ಹೈದರಾಬಾದ್: ತೆಲಂಗಾಣದ ಹೈದರಾಬಾದ್ ಲೋಕಸಭಾ ಕ್ಷೇತ್ರ ಈ ಬಾರಿ ಹಲವು ಕಾರಣಗಳಿಗಾಗಿ ದೇಶದ ಗಮನ ಸೆಳೆದಿತ್ತು. ಮಂಗಳವಾರ ಪ್ರಕಟವಾದ ಫಲಿತಾಂಶದಲ್ಲಿ ನಾಲ್ಕು ಬಾರಿಯ ಸಂಸದ, ಆಲ್ ಇಂಡಿಯಾ ಮಜ್ಲಿಸ್-ಎ-ಇತ್ತೆಹಾದುಲ್ ಮುಸ್ಲಿಮೀನ್ (AIMIM) ಅಧ್ಯಕ್ಷ ಅಸಾದುದ್ದೀನ್ ಓವೈಸಿ 3,38,087 ಮತಗಳಿಂದ ಸತತ ಐದನೇ ಅವಧಿಗೆ ಗೆದ್ದಿದ್ದಾರೆ.
ಪ್ರಚಾರದ ವೇಳೆ ಭಾರಿ ಸದ್ದು ಮಾಡಿದ್ದ ಬಿಜೆಪಿ ಅಭ್ಯರ್ಥಿ ಮಾಧವಿ ಲತಾ ಅವರು 3,23,894 ಮತಗಳನ್ನು ಪಡೆದರು. ಓವೈಸಿ 6,61,981 ಮತಗಳನ್ನು ಪಡೆದು ಭರ್ಜರಿ ಗೆಲುವು ಸಾಧಿಸಿದರು. AIMIM ನಿಂದ ಈ ಬಾರಿ ಗೆದ್ದ ಏಕೈಕ ಸಂಸದ ಓವೈಸಿ ಅವರು ಮಾತ್ರ.
ಹೈದರಾಬಾದ್ ನಲ್ಲಿ ಮತ ವಿಭಜನೆ ನಡೆಸಬಹುದು ಎಂದು ನಿರೀಕ್ಷಿಸಲಾಗಿದ್ದ ಇಂಡಿಯಾ ಮೈತ್ರಿಕೂಟ ಪ್ರತಿನಿಧಿಸಿದ್ದ ಕಾಂಗ್ರೆಸ್ ಅಭ್ಯರ್ಥಿ ಮೊಹಮ್ಮದ್ ವಲಿಯುಲ್ಲಾ ಸಮೀರ್ ಅವರು 62,497 ಮತಗಳನ್ನು ಮಾತ್ರ ಪಡೆದಿದ್ದಾರೆ.
2019 ರಲ್ಲಿ ಅವರು ಬಿಜೆಪಿಯ ಭಗವಂತರಾವ್ ಅವರನ್ನು 2,82,186 ಮತಗಳಿಂದ ಸೋಲಿಸಿದ್ದರು.